Tuesday, 25 February 2020

മതത്തിൻ്റെ എച്ചിൽ കാമത്തിനായി


ഒരു തുണ്ടു ഭൂമിയല്ലെൻ്റെ രാഷ്ട്രമെന്നറിയാതൊരുവൾ,
മതത്തിൻ്റെ എച്ചിൽ കാമങ്ങൾക്കിടയിൽ 
കവിത തിരയുന്നു,
മതം തിരക്കുന്നു,
തുണിയുരിയുന്നു,
ആസിഡ് വിശുദ്ധ ജലമായ് വീഴ്ത്തുന്നു,

മതം പഠിക്കാത്ത പാവങ്ങളെ
കൊന്നു കൊലവിളിക്കുന്നു.

മുടിചീകി,
കണ്ണെഴുതി, പൗഡറിട്ട്
കവിതയെ നോക്കി പല്ലിളിക്കുന്ന
അവളുടെ ഉള്ളിൽ നിന്ന്
കവിത ഇറങ്ങിയോടുന്നു,
ഇനിയൊരിക്കലും
തിരികെ വരാതെ വരാതെ.

No comments:

Post a comment